الرئيسية
اليوم اقدملكم دروس عن الخباثه وأريد أشوف مستواكم بالخباثه وين واصل.
واني لوما احبكم كلش كلش مجان اطيتكم هاي الدروس.
بس شسوي لقلبي
هسه المهم نبدي بالمحاضره أو الدرس
(طبعا الدرس اهداء لرموووز الخباثه الموجودين بالمنتدى ،
ويعرفوون نفسهم كلش زين وكاتب الموضوع أولهم.
وبــاقي الأعضــاء الخبثاء.
1_اذا جان شهر تموز ودرجة الحراره 76 وصايره معجزه وجايه الكهرباء الوطنيه
واخوك فرحان ونايم عالمكيف روح طفي المكيف واشعل الصوبه
وانتظر خمس دقائق اذا مشفت فد شي لاستيك عيار 45 على راسك اني مو خبيثة.
2_هاي الحركه تمتاز بانه هي قويه وقاسيه وتسبب مرض السكر لعدة اشخاص يعني مو واحد
اذا انت بره العراق او بالمحافظات الامنه وجوي جماعه من العراق كعدو بنفس عمارتكم
انت بس عليك تعرف رقم تلفونهم وتروح لبيتكم وتخابرهم وتكلهم :
الو احنه جماعه مسلحه استولينه على بيتكم احسن الكم مترجعون.
3_روح على محطه بيهه غسيل سيارات وانتظر
يطلعلك واحد بالماطور مالته وغاسله ويلمع روح عليه اول ميطلع
ووكفه وحط ايدك عالجامه مال الماطور وسئله سعبيش.
واذا طلع حباب وكلك سعبيش طلع الساعه مالتك وكله ساعتك متقدمه عشر دقايق.
4_اذا احد من عائلتك ديتفرج تلفزيون وفاتح الستلايت ومندمج ويه المسلسله
انت روح طلع الريموت الاحتياطي (اكيد اكو ريموت احتياطي ويه كل ستلايت)وحط بيه باتريات
وروح اختل وره الكرسي او وره البرده او الباب المهم مكان مو بعيد عن التلفزيون
بعدين كل شويه طلع ايدك واكلب التلفزيون على قناة الجزيره
ولتخلي كلبك يحن لمن تسمعه يلطم ويصيح ويفر راسه ميعرف منو اللي ديكلبه انت ظل كلب لحد متخلص المسلسله.
5_روح للحمام فرغ علبة الشامبو وحط بمكانهه ديتول.
6_اذا فد يوم طلبتوا اكل من الكي اف سي او ماكدونالدز بخدمة التوصيل
(ولو بالعراق ماكو هيج بس يلا هاي النقطه للمغتربين إذا يردوون يغيرون جو ويخبثوون)).
ويجيكم العامل شايل العلاكه متروسه تزهو باللفات والوجبات فانت شتسوي.
وديهه العلاكه بالمطبخ وطلع كل اللفات والوجبات والفنكر وحط مكانهه خبز وصمون
وصيح اهلك كلهم يلله اجه الاكل تعالو تغدوا
يجون يفتحوهه يلكوهه كلهه خبز وصمون طبعا همه رح يتخبلون لان دفعوا كومه فلوس علمود خبز وصمون.
7_لمن تروح عزيمه وتاكل وتخلص وتروح تغسل ايدك افتح الحنفيه اقوى شي وعال مي الحار
وانتظره لحد ميجي المي الحار كلش
وبعدين اطلع بلا متسد البوري وخلي نشوف اللي يجي وراك يغسل ايده شراح يصير بيه.
8_اذا فتت محل حلويات جرب كل الحلويات وبعدين اطلع ايدك فارغه ايد وره وايد كدام.
9_اذا انت بمكتبه جبيره وبيهه الة استنساخ روح عليهه وحط نسبة التصغير على 200%
وخلي عدد الطبعات المطبوعه خمسين او اكثر
وشوف الوراك شيصير بيه.
10_اذا اجاكم للبيت احد عنده ربو لو حساسيه اخذ البف باف ورش البيت كله.
11_اذا اخوك عزم اصدقائه وراح سوالهم جاي انت روح عالكتلي مال الجاي وحط بيه شطه
وانتظر شويه وهسه تشوفهم كلهم يسوون سباق اولومبي للحمام
12_اذا عندك امتحان وكعدت تغش من صاحبك واجه عليكم المدرس كله استاذ هذا يغش من عندي
واذا كدرت تشمر برشومه عليه يصير احلى شي.
13_اتأخر عن المدرسه واذا وكفك المدرس اكعد احجي واظحك ويه صاحبك
(بس اني معليه اذا فصلوك)
14_واذا اختك دتكتب بحث مال الكليه صارلهه اسبوع وتعبانه عليه روح عليه وامسح كلشي.
15_ من تشارك بالمنتدى وتضيف مشاركات وردود ، ضيفهن بلون الأصفر أو نفس لوون خلفية المنت:
16. الخباثه هاااي كلش مهمة اذا جنتي دتحجين وية ولد بالجات وجان مخلي صورتة حتى اذا جان حلو كوليلة انت محلو
يلة خلصت الدروس كل واحد يدفع الف وربع
واني لوما احبكم كلش كلش مجان اطيتكم هاي الدروس.
بس شسوي لقلبي
هسه المهم نبدي بالمحاضره أو الدرس
(طبعا الدرس اهداء لرموووز الخباثه الموجودين بالمنتدى ،
ويعرفوون نفسهم كلش زين وكاتب الموضوع أولهم.
وبــاقي الأعضــاء الخبثاء.
1_اذا جان شهر تموز ودرجة الحراره 76 وصايره معجزه وجايه الكهرباء الوطنيه
واخوك فرحان ونايم عالمكيف روح طفي المكيف واشعل الصوبه
وانتظر خمس دقائق اذا مشفت فد شي لاستيك عيار 45 على راسك اني مو خبيثة.
2_هاي الحركه تمتاز بانه هي قويه وقاسيه وتسبب مرض السكر لعدة اشخاص يعني مو واحد
اذا انت بره العراق او بالمحافظات الامنه وجوي جماعه من العراق كعدو بنفس عمارتكم
انت بس عليك تعرف رقم تلفونهم وتروح لبيتكم وتخابرهم وتكلهم :
الو احنه جماعه مسلحه استولينه على بيتكم احسن الكم مترجعون.
3_روح على محطه بيهه غسيل سيارات وانتظر
يطلعلك واحد بالماطور مالته وغاسله ويلمع روح عليه اول ميطلع
ووكفه وحط ايدك عالجامه مال الماطور وسئله سعبيش.
واذا طلع حباب وكلك سعبيش طلع الساعه مالتك وكله ساعتك متقدمه عشر دقايق.
4_اذا احد من عائلتك ديتفرج تلفزيون وفاتح الستلايت ومندمج ويه المسلسله
انت روح طلع الريموت الاحتياطي (اكيد اكو ريموت احتياطي ويه كل ستلايت)وحط بيه باتريات
وروح اختل وره الكرسي او وره البرده او الباب المهم مكان مو بعيد عن التلفزيون
بعدين كل شويه طلع ايدك واكلب التلفزيون على قناة الجزيره
ولتخلي كلبك يحن لمن تسمعه يلطم ويصيح ويفر راسه ميعرف منو اللي ديكلبه انت ظل كلب لحد متخلص المسلسله.
5_روح للحمام فرغ علبة الشامبو وحط بمكانهه ديتول.
6_اذا فد يوم طلبتوا اكل من الكي اف سي او ماكدونالدز بخدمة التوصيل
(ولو بالعراق ماكو هيج بس يلا هاي النقطه للمغتربين إذا يردوون يغيرون جو ويخبثوون)).
ويجيكم العامل شايل العلاكه متروسه تزهو باللفات والوجبات فانت شتسوي.
وديهه العلاكه بالمطبخ وطلع كل اللفات والوجبات والفنكر وحط مكانهه خبز وصمون
وصيح اهلك كلهم يلله اجه الاكل تعالو تغدوا
يجون يفتحوهه يلكوهه كلهه خبز وصمون طبعا همه رح يتخبلون لان دفعوا كومه فلوس علمود خبز وصمون.
7_لمن تروح عزيمه وتاكل وتخلص وتروح تغسل ايدك افتح الحنفيه اقوى شي وعال مي الحار
وانتظره لحد ميجي المي الحار كلش
وبعدين اطلع بلا متسد البوري وخلي نشوف اللي يجي وراك يغسل ايده شراح يصير بيه.
8_اذا فتت محل حلويات جرب كل الحلويات وبعدين اطلع ايدك فارغه ايد وره وايد كدام.
9_اذا انت بمكتبه جبيره وبيهه الة استنساخ روح عليهه وحط نسبة التصغير على 200%
وخلي عدد الطبعات المطبوعه خمسين او اكثر
وشوف الوراك شيصير بيه.
10_اذا اجاكم للبيت احد عنده ربو لو حساسيه اخذ البف باف ورش البيت كله.
11_اذا اخوك عزم اصدقائه وراح سوالهم جاي انت روح عالكتلي مال الجاي وحط بيه شطه
وانتظر شويه وهسه تشوفهم كلهم يسوون سباق اولومبي للحمام
12_اذا عندك امتحان وكعدت تغش من صاحبك واجه عليكم المدرس كله استاذ هذا يغش من عندي
واذا كدرت تشمر برشومه عليه يصير احلى شي.
13_اتأخر عن المدرسه واذا وكفك المدرس اكعد احجي واظحك ويه صاحبك
(بس اني معليه اذا فصلوك)
14_واذا اختك دتكتب بحث مال الكليه صارلهه اسبوع وتعبانه عليه روح عليه وامسح كلشي.
15_ من تشارك بالمنتدى وتضيف مشاركات وردود ، ضيفهن بلون الأصفر أو نفس لوون خلفية المنت:
16. الخباثه هاااي كلش مهمة اذا جنتي دتحجين وية ولد بالجات وجان مخلي صورتة حتى اذا جان حلو كوليلة انت محلو
يلة خلصت الدروس كل واحد يدفع الف وربع
